mawbima.lk – Tharaka Samman
තුර්කියේ සහ සිරියාවේ ඇති වූ ප්‍රබල භූමිකම්පාවෙන් මිය ගිය ගණන 1,000 ඉක්මවා ගොස් ඇතැයි විදෙස් මාධ්‍ය වාර්තා කරයි.
එම වාර්තා පෙන්වා දුන්නේ, භූ කම්පාව හේතුවෙන් තුර්කියේ පමණක් පුද්ගලයන් 912 දෙනෙකු මිය ගොස් 5,383 දෙනෙකු තුවාල ලබා ඇති බව තුර්කි ජනාධිපතිවරයා පැවසූ බව ය.
සෝදිසි කිරීම් සහ ගලවා ගැනීමේ මෙහෙයුම් අඛණ්ඩව සිදුවන බැවින් මරණ සංඛ්‍යාව කොපමණ ඉහළ යනු ඇත්දැයි අනාවැකි කිව නොහැකි බව ඔහු ප්‍රකාශ කර ඇත.
ඔහු වැඩිදුරටත් ප්‍රකාශ කර ඇත්තේ, 1939 වසරෙන් පසු රටේ සිදුවූ විශාලතම ව්‍යසනය මෙය වන අතර, එහි ප්‍රතිඵලයක් ලෙස ගොඩනැගිලි 2,818ක් කඩා වැටී ඇති බව ය.
රික්ටර් මාපක 7.8ක ප්‍රබලත්වයක් සටහන් කර තිබූ තුර්කියේ සිදු වූ විශාලතම භූමිකම්පාව ලෙස සැලෙකෙන එය එරට වේලාවෙන් පස්වරු 04:17ට සිරියානු දේශසීමාව ආසන්නයේ ගිනිකොනදිග තුර්කියේ ගාසියන්ටෙප් ප්‍රදේශයේ ඇති වී තිබිණි.
