දර්ශන සංජීව බාල්සූරිය – www.dailymirror.lk
එක්ස් ප්‍රෙස් පර්ල් නෞකාවේ වොයේජ් ඩේටා රෙකෝඩරය (වීඩීආර්) අපරාධ විමර්ශන දෙපාර්තමේන්තුවට ලැබී ඇති අතර එහි කපිතාන්, මව් සමාගම සහ දේශීය නැව් ඒජන්තවරයා අතර ඇති සියලුම සන්නිවේදන සංවාද ඇතුළත් බව පොලිසිය පවසයි.
ශ්‍රී ලංකා නාවික හමුදාවේ සහාය ඇතිව වෙළඳ නැව් මහලේකම් කාර්යාලයේ නාවික විශේෂඥයන් විසින් “නැව් කළු පෙට්ටිය” ලෙස පොදුවේ හඳුන්වන VDR උපාංගය සොයා ගෙන ඇත.
පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහන මහතා පැවසුවේ පරිසර දූෂණය සම්බන්ධයෙන් වගකීම පැවරීම සඳහා වැඩිදුර පරීක්ෂණ පැවැත්වීම සඳහා මෙම සන්නිවේදනයන් විමර්ෂණයකර බැලීම අත්‍යවශ්‍ය බවයි.
VDR වෙතින් ලබාගන්නා දත්ත සහ සියලු සන්නිවේදනයන් රහස් පොලිසිය විසින් විශ්ලේෂණය කරනු ඇතැයි ඔහු පැවසීය.
මේ අතර, කොළඹ වරාය අසලදී මුහුදුබත්වූ එක්ස් ප්‍රෙස් පර්ල් නෞකාවේ ඇතිවූ සිද්ධිය සම්බන්ධයෙන් 20 දෙනෙකුගෙන් පමණ ප්‍රකාශයන් මේ වන විට රහස් පොලිසිය විසින් සටහන්කරගෙන ඇති බව තතුදත් ආරංචි මාර්ග වාර්තාකරයි.
