ශ්‍රී ලංකා ගුවන්විදුලි සංස්ථාව
ගිනිගැනීමට ලක් වු එක්ස්ප්‍රස් පර්ල් නෞකාවෙන් පිටවන ඉන්ධන හා රසායනික ද්‍රව්‍ය මුහුදු ජලයෙන් ඉවත් කිරීම සදහා විශේෂ ක්‍රමවේදයක් පේරාදෙණිය විශ්වවිද්‍යාලයේ විද්‍යාඥයින් පිරිසක් සොයා ගෙන තිබේ.
අද පැවති මාධ්‍ය හමුවකට එක්වෙමින් එහි ජ්‍යෙෂ්ඨ මහාචාර්ය ගාමිණි රාජපක්ෂ මහතා ප්‍රකාශ කළේ මෙම ක්‍රමවේදයට අනුව ගැටලුවකින් තොරව සාගරයට එක්වන ඉන්ධන හා රසායනික ද්‍රව්‍ය ඉවත් කළ හැකි බවයි. මෙම නව ක්‍රමවේදය ඔස්සේ ඉවත් කළ ඉන්ධන නැවත භාවිතයට ගත හැකිය. මෙම ක්‍රමවේදය සදහා අදාළ පේ්ටන්ට් බලපත්‍රය පේරාදෙණිය විශ්වවිද්‍යාලය මගින් ලබා ගෙන ඇත. ජාතික අධ්‍ය්‍යාපන ආයතනය, බෝගල පතල හා ශ්‍රී ලංකා නැනෝ තාක්ෂණ ආයතනය මීට අවශ්‍ය සහය ලබාදෙයි.
මෙම නැවේ ගබඩා කර ඇති ඉන්ධන තොගය වෙනත් නැවකට කාන්දු නොකර බැහැර කිරීම සම්බන්ධයෙන් ද අවධානය යොමු කර ඇති බව මහාචාර්යවරයා සදහන් කළේය. කාන්දු වු ඉන්ධන කඩිනමින් ඉවත් කළ යුතු අතර එමගින් පරිසරයට සිදු වන හානිය අවම කර ගත හැකි බව ද ජ්‍යෙෂ්ඨ මහාචාර්ය ගාමිණි රාජපක්ෂ මහතා පෙන්වාදෙයි.
